72 മണിക്കൂറിനുള്ളിൽ തിരിച്ചെത്തുന്ന വിമാനയാത്രക്ക് പി സി ആർ പരിശോധനയിൽ ഇളവ്
അബുദാബി: 72 മണിക്കൂറിനുള്ളിൽ അബുദാബിയിൽ തിരിച്ചെത്തുന്ന വിമാനയാത്ര നടത്തുന്നവർക്ക് രണ്ടാമത് ഒരു പി സി ആർ പരിശോധനയുടെ ആവശ്യമില്ലെന്നു ഇത്തിഹാദ് എയർവെയ്സ് അറിയിച്ചു . വിമാന യാത്ര കൂടുതൽ സുഗമമാക്കുന്നത്തിന്റെ ഭാഗമായാണ് തീരുമാനം. അബുദാബിയിൽ നിന്നും യാത്ര പുറപ്പെടുന്നതിന്റെ മുൻപ് എടുക്കുന്ന പി സി ആർ പരിശോധനാഫലം ഉപയോഗിച്ച് 72 മണിക്കൂറിനകം തിരിച്ചും യാത്ര നടത്താമെന്നതാണ് പുതിയ തീരുമാനം നൽകുന്ന സൗകര്യം . കുറഞ്ഞ സമയത്തേക്കുള്ള ബിസിനസ്സ് യാത്രകൾ നടത്തുന്നവർക്ക് പുതിയ തീരുമാനം ഏറെ സഹായകരമാകുമെന്ന് പ്രതീക്ഷിക്കപ്പെടുന്നു.