ദുബായിൽ വാഹനാപകടത്തിൽ ഒരാൾ മരിച്ചു, അഞ്ചുപേർക്ക് പരിക്ക്
ദുബൈ: ശൈഖ് മുഹമ്മദ് ബിന് സായിദ് റോഡില് അല് റാഷിദിയ ബ്രിഡ്ജിന് സമീപത്തുണ്ടായ വാഹനാപകടത്തിൽ ഒരാള് മരിച്ചു. അഞ്ച് പേര്ക്ക് പരിക്കേറ്റു. ദാരുണമായ അപകടമാണുണ്ടായതെന്ന് ദുബൈ പൊലീസ് അറിയിച്ചു. അപകടത്തെ തുടര്ന്ന് റോഡില് വൻ ഗതാഗത തടസവുമുണ്ടായി.
ഒരു കാർ ഡ്രൈവര്ക്ക് ജീവന് നഷ്ടമായി. രണ്ട് ട്രക്കുകളും നാല് ചെറു വാഹനങ്ങളുമാണ് കൂട്ടിയിടിച്ചത്. വാഹനങ്ങള് തമ്മില് സുരക്ഷിതമായ അകലം പാലിക്കാത്തതാണ് അപകട കാരണമായതെന്ന് പൊലീസ് പറഞ്ഞു . ഒരു ട്രക്ക് അതിന് തൊട്ട് മുന്നില് പോവുകയായിരുന്ന ബസിലാണ് ആദ്യം ഇടിച്ചത്. തുടര്ന്ന് നിയന്ത്രണം നഷ്ടമായി, സിമന്റും ഇഷ്ടികയും കയറ്റിയിരുന്ന മറ്റൊരു ട്രക്കുമായും മറ്റ് നാല് വാഹനങ്ങളുമായും ഇടിച്ചു. അപകടത്തെ തുടര്ന്ന് റോഡില് വലിയ ഗതാഗതക്കുരുക്കുണ്ടായതായി ദുബൈ പൊലീസ് ജനറല് ട്രാഫിക് വിഭാഗം ഡയറക്ടര് മേജര് ജനറല് സൈഫ് മുഹൈര് അല് മസ്റൂഇ പറഞ്ഞു.