ചലച്ചിത്ര താരം അനൂപ് മേനോന് യു.എ.ഇ ഗോൾഡൻ വിസ
ദുബായ് : ദുബായിലെ മുൻനിര സര്ക്കാര് സേവന ദദാതാക്കളായ ഇ.സി.എച്ഛ് ഡിജിറ്റലിൽ എത്തി സി.ഇ.ഓ ഇഖ്ബാൽ മാർക്കോണിയിൽ നിന്നും താരം യു.എ.ഇ ഗോൾഡൻ വിസ ഏറ്റുവാങ്ങി. നേരത്തെ മലയാളം ഉൾപ്പെടെ നിരവധി ചലച്ചിത്ര താരങ്ങൾക്ക് യു.എ.ഇ ഗോൾഡൻ വിസ നൽകിയതും ഇ.സി.എച്ഛ് ഡിജിറ്റൽ മുഖേനെയായിരുന്നു . ട്രിവാൻഡറും ലോഡ്ജ് , എന്റെ മെഴുകുതിരി അത്താഴങ്ങൾ , കിംഗ് ഫിഷ് തുടങ്ങി നൂറിൽപരം സിനിമകളിൽ ശ്രദ്ധേയമായ വേഷങ്ങൾ കൈകാര്യം ചെയ്തിട്ടുള്ള നടനാണ് അനൂപ് മേനോൻ. വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമൊക്കെ യുഎഇ ഭരണകൂടം അനുവദിക്കുന്നതാണ് ഗോള്ഡന് വിസകള്. പത്ത് വര്ഷത്തെ കാലാവധിയുള്ള ഈ വിസകള്, കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യും. പ്രമുഖ നടന്മാരടക്കം നിരവധി മലയാളികള്ക്ക് ഇതിനോടകം തന്നെ ഗോള്ഡന് വിസ ലഭ്യമായിട്ടുണ്ട്. ഗോള്ഡന് വിസ അനുവദിക്കുന്നതിനുള്ള മാനദണ്ഡങ്ങളില് അടുത്തിടെ യുഎഇ ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേക്ക് ഗോള്ഡന് വിസയുടെ പ്രയോജനം എത്തിക്കാനാണ് യുഎഇ ലക്ഷ്യമിടുന്നത്.