ബലി പെരുന്നാൾ; യുഎഇയിലെ സ്വകാര്യ മേഖലയ്ക്ക് അവധി പ്രഖ്യാപിച്ചു.
യുഎഇ: അറഫാദിനം, ബലി പെരുന്നാൾ( ഈദ് അൽ അദ്ഹ) എന്നിവയോടനുബന്ധിച്ച് യുഎഇയിലെ സ്വകാര്യ മേഖലയ്ക്ക് 4 ദിവസം അവധി പ്രഖ്യാപിച്ചു. ജൂൺ 5 വ്യാഴം മുതൽ 8 ഞായർ വരെയാണ് അവധിയെന്ന് മാനവവിഭവ, സ്വദേശിവത്കരണ മന്ത്രാലയം ഔദ്യോഗികമായി അറിയിച്ചു. യുഎഇയിലെ പൊതുമേഖലയ്ക്ക് ഇന്നലെ തന്നെ 4 ദിവസം അവധി പ്രഖ്യാപിച്ചിരുന്നു. ദുല്‍ഹജ് 9(ജൂൺ 5) മുതലാണ് അവധി ആരംഭിക്കുന്നത്. ദുല്‍ഹജ് 12 (ജൂൺ 8) വരെ തുടരുമെന്നും ജൂൺ ഒൻപതിന് സ്വകാര്യമേഖല പ്രവൃത്തി പുനരാരംഭിക്കുമെന്നും അറിയിച്ചു. ഈ അവധി ശനിയാഴ്ചയും ഞായറാഴ്ചയും ഉൾപ്പെടുന്നതാണ്.
