ഉംറയ്ക്ക് ഓൺലൈൻ വിസ അനുവദിച്ചു തുടങ്ങിയതായി സൗദി അറേബ്യയിലെ ഹജ്ജ്- ഉംറ മന്ത്രാലയം
റിയാദ്: ഉംറയ്ക്ക് ഓൺലൈൻ വിസ അനുവദിച്ചു തുടങ്ങിയതായി സൗദി അറേബ്യയിലെ ഹജ്ജ്- ഉംറ മന്ത്രാലയം അറിയിച്ചു. ഉംറ തീർഥാടനത്തിന് ലോകത്തിന്റെ നാനാഭാഗത്തു നിന്ന്കൂടുതൽ ആളുകളെ രാജ്യത്തേക്ക് എത്തിക്കുന്നതിനുള്ള നടപടികളുടെ ഭാഗമായാണ് ഇത്. വിസ ഓൺലൈനിൽ ആകുന്നതോടെ പ്രവേശന നടപടിക്രമങ്ങൾ കൂടുതല്‍ എളുപ്പമാകും.
‘നുസുക്’ മൊബൈൽ ആപ്ലിക്കേഷനിലാണ് വിസക്ക് അപേക്ഷ നൽകേണ്ടത്. മുഹറം ഒന്ന് (ജൂലൈ 19) മുതൽ ഓൺലൈൻ വിസയിൽ തീർഥാടകരുടെ വരവ് ആരംഭിക്കുമെന്നും മന്ത്രാലയം വ്യക്തമാക്കി. ലോകത്തിന്റെ വിവിധ ഭാഗങ്ങളിൽനിന്ന് മക്കയിലേക്കും മദീനയിലേക്കുമുള്ള തീർഥാടകരുടെ വരവ് നൂസ്ക് ആപ്ലിക്കേഷനിലൂടെ എളുപ്പമാകും. തീർഥാടകർക്ക് താമസം, യാത്ര തുടങ്ങിയ സേവനങ്ങൾ അതിലൂടെ തെരഞ്ഞെടുക്കാനാകും.
