കാൽനടക്കാരെ ഇടിച്ച ഡ്രൈവർക്ക് 2000 ദിർഹം പിഴ
ദുബൈ: കാൽനടക്കാരെ ഇടിച്ച് പരിക്കേൽപിച്ച സംഭവത്തിൽ ഡ്രൈവർക്ക് 2000 ദിർഹം പിഴ വിധിച്ച് ദുബൈ ട്രാഫിക് കോടതി. നിശ്ചിത സ്ഥലത്തിലൂടെയല്ലാതെ റോഡ് മുറിച്ചുകടന്ന കാൽനടക്കാർക്കും 400 ദിർഹം വീതം പിഴ വിധിച്ചു. അപകടത്തിന് ഇരുകൂട്ടരും ഉത്തരവാദികളായെന്ന് കണ്ടെത്തിയതിനെ തുടർന്നാണ് രണ്ടുപേർക്കും പിഴ വിധിച്ചത്. അറബ് വംശജനായ ഡ്രൈവർക്കും ഏഷ്യക്കാരായ കാൽനടക്കാർക്കുമാണ് പിഴ ലഭിച്ചത്.