വാട്സ്ആപ്പ് വഴി മയക്കുമരുന്ന് വിതരണം : ദുബായിൽ 280 പേർ അറസ്റ്റിൽ
ദുബായ്: പൊതുജനങ്ങളെ ലക്ഷ്യമിട്ട് വാട്സ്ആപ്പ് വഴി മയക്കുമരുന്ന് വിതരണം നടത്തി കള്ളക്കടത്തുകാരെന്ന് സംശയിക്കുന്ന 280 പേരെ അറസ്റ്റ് ചെയ്തതായി ദുബായ് പോലീസ് അറിയിച്ചു. ദുബായിലെ സാമ്പത്തിക സുരക്ഷാ കേന്ദ്രവുമായി സഹകരിച്ച് ജൂണിനും ഡിസംബറിനുമിടയിലാണ് പോലീസ് ഈ വലിയ കുറ്റകൃത്യങ്ങൾ തടയുന്നതിനുള്ള കാമ്പയിൻ ആരംഭിച്ചത്. നിയമവിരുദ്ധമായ വേദനസംഹാരികൾ, ഹാഷിഷ്, ക്രിസ്റ്റൽ മെത്ത് തുടങ്ങിയ മയക്കുമരുന്നുകളുടെ വിൽപ്പന പ്രോത്സാഹിപ്പിക്കാനായി പലർക്കും ഇവർ വാട്ട്സ്ആപ്പ് സന്ദേശങ്ങൾ അയയ്ക്കുന്നുണ്ടെന്ന് പോലീസ് പറഞ്ഞു.ഇവ വാങ്ങാൻ ധാരണയായ ശേഷം വാങ്ങുന്നവർ ബാങ്ക് ട്രാൻസ്ഫർ നടത്തുകയും സംശയാസ്പദമായ മയക്കുമരുന്ന് സ്ഥലത്തിൻ്റെ ജിപിഎസ് കോർഡിനേറ്റുകൾ പങ്കിടുകയുമാണ് ചെയ്യുന്നത്. പിന്നീട് വാങ്ങുന്നവർക്കായി വിദൂര പ്രദേശങ്ങളിൽ എവിടെയെങ്കിലും ഇവർ മയക്കുമരുന്ന് കുഴിച്ചിട്ടിരിക്കുമെന്നും പോലീസ് പറഞ്ഞു.കാമ്പയിനിനിടെ 118 കിലോയിലധികം അനധികൃത വസ്തുക്കൾ പിടിച്ചെടുത്തതായി ദുബായ് പോലീസിലെ ആൻ്റി നാർക്കോട്ടിക് വിഭാഗം ഡയറക്ടർ മേജർ ജനറൽ ഈദ് താനി ഹരേബ് പറഞ്ഞു.