ദുബായ് : ജിസിസി യിലെ പ്രമുഖ കാർഗോ കമ്പനിയായ എബിസി കാർഗോ നിരവധി തൊഴിൽ അവസരങ്ങൾ പ്രഖ്യാപിച്ചു. അഞ്ചു വ്യത്യസ്ത പോസ്റ്റുകളിലായി 83 യിൽ  അധികം ഉദ്യോഗാർഥികളെയാണ് തേടുന്നത്. ഒക്ടോബർ 22, 23, 24 തീയതികളിലാണ് വാക് ഇൻ ഇന്റർവ്യൂ നടക്കുന്നത്. ഡ്രൈവർ കം സെയിൽമാൻ പോസ്റ്റിലേക്ക് 35 പേർക്ക് തൊഴിൽ അവസരമുണ്ട്. യുഎഇയിൽ കുറഞ്ഞത് രണ്ട് വർഷത്തെ പ്രവർത്തി പരിചയം നിർബന്ധമാണ്.കൂടാതെ യു എ ഇ മാനുവൽ ഡ്രൈവിംഗ് ലൈസൻസും വേണം, അപേക്ഷിക്കുന്നവർക്ക് പ്രായ പരിധി 40 വയസ് ആണ്.
ലോജിസ്റ്റിക്ക്സ് മാനേജർ പോസ്റ്റിലേക്ക് ഒരു അവസരമാണ് ഉളളത്. ലോജിസ്റ്റിക്ക്സിലോ ഫ്രയ്റ്റ് ഫോർവാർഡ് ഇൻഡസ്റ്ററിയിലോ ആറ് വർഷത്തെ പ്രവർത്തി പരിചയം നിർബന്ധമാണ്. ലോജിസ്റ്റിക്ക്സ് ഡോക്യുമെന്റേഷനിലേക്ക് അഞ്ച് തൊഴിൽ അവസരങ്ങളുമുണ്ട് ലോജിസ്റ്റിക്ക്സിലോ ഫ്രയ്റ്റ് ഫോർവാർഡ് ഇൻഡസ്റ്ററിയിലോ മൂന്ന് വർഷത്തെ പ്രവർത്തി പരിചയം വേണം.അത് പോലെ സെയിൽ എക്സിക്യൂടീവ് പോസ്റ്റിലേക്ക് അപേക്ഷിക്കുന്നവർക്ക് ലോജിസ്റ്റിക്ക്സിലോ ഫ്രയ്റ്റ് ഫോർവാർഡ് ഇൻഡസ്റ്ററിയിലോ നാല് വർഷത്തെ പ്രവർത്തി പരിചയം ആവശ്യമാണ്. 35 ഹെൽപേർസ് പോസ്റ്റിലേക്കും അവസരമുണ്ട് അപേക്ഷിക്കുന്നവർക്ക് 35 വയസ് കവിയരുത്. ദുബായിലെ എബിസി കാർഗോ കോർപ്പറേറ്റ് ഹെഡ് ഓഫീസിൽ വച്ചു രാവിലെ 10 മണിമുതൽ ഉച്ചയ്ക്ക് 1 മണിവരെയാണ് ഇന്റർവ്യൂ നടക്കുക.