അബുദാബി:  2025-26 ലെ യൂണിയൻ ബജറ്റ് ഹ്രസ്വകാല ഉപഭോഗം വർധിപ്പിക്കുന്നതിനാണ് രൂപകൽപ്പന ചെയ്തിരിക്കുന്നതെന്ന് ലുലു ഫിനാൻഷ്യൽ ഹോൽഡിങ്‌സ് എം ഡി അദീബ് അഹമ്മദ് അഭിപ്രായപ്പെട്ടു.  മധ്യവർഗ ചെലവ് വർദ്ധിപ്പിക്കുന്നതിനുള്ള നേരിട്ടുള്ള നീക്കമെന്ന നിലയിൽ ₹12 ലക്ഷം വരെയുള്ള വരുമാനത്തിന് ആദായനികുതി എടുത്തുകളയാനുള്ള തീരുമാനം കൂടുതൽ ഉപഭോഗം വർധിപ്പിക്കാൻ കാരണം ആകും.  പ്രത്യേകിച്ച് റിയൽ എസ്റ്റേറ്റ്, റീട്ടെയിൽ, ഓട്ടോമൊബൈൽ തുടങ്ങിയ മേഖലകളിൽ, ഇതിന്റെ ഫലം കൂടുതലുമാകും ഇൻഷുറൻസ് മേഖലയിലെ എഫ്ഡിഐ 74% ൽ നിന്ന് 100% ആയി ഉയർത്തുന്നത് പ്രശംസനീയമാണ്, ഇത് വിദേശ മൂലധനത്തെ ആകർഷിക്കുകയും ആ രംഗത്ത് കൂടുതൽ മത്സരം വർദ്ധിപ്പിക്കുകയും ചെയ്യും.  അതുപോലെ, ആർബിഐയുടെ ലിബറലൈസ്ഡ് റെമിറ്റൻസ് സ്കീമിന് കീഴിലുള്ള പണമയയ്‌ക്കാനുള്ള ടിസിഎസ് ഇളവ് പരിധി 7 ലക്ഷത്തിൽ നിന്ന് 10 ലക്ഷമായി ഉയർത്താനുള്ള തീരുമാനം വിദേശത്തേക്ക് പണം അയയ്‌ക്കുന്ന വ്യക്തികൾക്ക്, പ്രത്യേകിച്ച് യാത്രയ്ക്കും നിക്ഷേപ ആവശ്യങ്ങൾക്കും ആശ്വാസം നൽകും. കൂടാതെ, വിദ്യാഭ്യാസ വായ്പയിലൂടെ ധനസഹായം നൽകുമ്പോൾ വിദ്യാഭ്യാസ ആവശ്യങ്ങൾക്കായി പണമടയ്ക്കുന്ന തുകയിൽ നിന്ന് ടിസിഎസ് നീക്കം ചെയ്യുന്നത് വിദേശത്ത് പഠിക്കുന്ന വിദ്യാർത്ഥികളുടെ സാമ്പത്തിക ഭാരം ലഘൂകരിക്കുന്ന ഒരു നല്ല നടപടിയാനെന്നും അദ്ദേഹം കൂട്ടിച്ചേർത്തു.

ഇന്ത്യയുടെ വളർച്ചയുടെ പ്രധാനപ്പെട്ട മേഖലയിൽ ഒന്നായ  MSME-കൾക്ക് ശക്തമായ ശ്രദ്ധ ലഭിക്കുന്നത് കാണുന്നത് പ്രോത്സാഹജനകമാണ്. ക്രെഡിറ്റ് ഗ്യാരൻ്റി കവർ വർധിപ്പിക്കുക, നിക്ഷേപത്തിൻ്റെയും വിറ്റുവരവിൻ്റെ പരിധിയും വർദ്ധിപ്പിക്കുക, കയറ്റുമതി എംഎസ്എംഇകൾക്കുള്ള വായ്പകൾ വർദ്ധിപ്പിക്കുക തുടങ്ങിയ നടപടികൾ ക്രെഡിറ്റ് വിടവ് നികത്താനും വിപുലീകരണത്തെ പിന്തുണയ്ക്കാനും സഹായിക്കും. എന്നിരുന്നാലും, സാമ്പത്തിക മേഖലയിലെ പരിഷ്കാരങ്ങളെക്കുറിച്ച് ധാരാളം ചർച്ചകൾ നടക്കുന്നുണ്ടെങ്കിലും, പ്രഖ്യാപിച്ച യഥാർത്ഥ നടപടികൾ ഇതിൽ പൂർണ്ണമായി പ്രതിഫലിപ്പിക്കുന്നില്ല. നവീകരിച്ച സെൻട്രൽ കെവൈസി രജിസ്‌ട്രി ശരിയായ ദിശയിലേക്കുള്ള ഒരു ചുവടുവെപ്പാണ്. എന്നിരുന്നാലും, സാമ്പത്തിക മേഖലയുടെ ദൃഢതയും വളർച്ചയും വർദ്ധിപ്പിക്കുന്നതിന് കൂടുതൽ വ്യക്തമായ നടപടികൾ ഉടൻ പ്രഖ്യാപിക്കുമെന്ന് പ്രതീക്ഷിക്കുന്നതായും അദ്ദേഹം സൂചിപ്പിച്ചു.    അതുപോലെ, ടൂറിസം രംഗം തൊഴിൽ സൃഷ്ടിയുടെ പ്രധാന സാധ്യതയുള്ള മേഖല ആണ്. അവിടെയും കൂടുതൽ ശ്രദ്ധ അർഹിക്കുന്നു. ഇൻഫ്രാസ്ട്രക്ചർ പട്ടികയിലെ മികച്ച 50 ടൂറിസം കേന്ദ്രങ്ങളിൽ ഹോട്ടലുകളെ ഉൾപ്പെടുത്തുന്നത് ഒരു നല്ല ചുവടുവെപ്പാണെങ്കിലും, ഈ മേഖലയ്ക്ക് മൊത്തത്തിൽ ശക്തമായ നയ പിന്തുണയും പ്രോത്സാഹനവും ആവശ്യമാണ്.