മുൻ അബുദാബി മലയാളീ സമാജം വൈസ് പ്രസിഡന്റ് അന്തരിച്ചു.

അബുദാബി: മുൻ അബുദാബി മലയാളീ സമാജം വൈസ് പ്രസിഡന്റ് അബ്‌ദുൾ കലാം (പള്ളിക്കൽ ബാബു) അന്തരിച്ചു. 78 വയസായിരുന്നു. തിരുവനന്തപുരം പള്ളിക്കൽ കുന്നിൽ സ്വദേശിയാണ്. മുപ്പത്തി അഞ്ച് വർഷത്തോളം അബുദാബിയിൽ എത്തിസലാത് ടെലികോം കമ്പനിയിൽ ജോലി ചെയ്തിരുന്നു. അബുദാബിയിലെ സാമൂഹിക സാംസ്ക്കാരിക രംഗങ്ങളിൽ സജീവ സാന്നിധ്യമായിരുന്നു അബ്‌ദുൾ കലാം അബുദാബി മലയാളീ സമാജത്തിൻറെ വൈസ് പ്രസിഡന്റായും പ്രവർത്തിച്ചിരുന്നു. ഭാര്യ നാദിറ ബീവി. മക്കൾ ഡോക്ടർ നവീൻ അബ്‌ദുൾ ശ്യാം , ഷൈൻ അബ്‌ദുൾ കലാം, ഷഹാന കലാം. മരുമകൾ ഡോക്ടർ നൂറാ ഹമീദ്. മരുമകൻ നിഷാദ് നൗഷർ. നിലമേൽ മുരുക്കമൺ പള്ളിയിൽ നാളെ  (ചൊവ്വാഴ്ച) രാവിലെ  പത്ത് മണിക്ക് ഖബറടക്കും.