സെന്റ് തോമസ് കോളേജ് അലുംമ്നി അസോസിയേഷൻ  അബുദാബി ചാപ്റ്ററിനു പുതിയ നേതൃത്വം.   

അബുദാബി : കോഴഞ്ചേരി സെന്റ് തോമസ് കോളേജ് അലുംമ്നി അസോസിയേഷൻ,  അബുദാബി ചാപ്റ്റർ പുതിയ ഭാരവാഹികളെ തിരഞ്ഞെടുത്തു.  അനിൽ സി ഇടിക്കുള ( പ്രസിഡന്റ് ), സെബി സി എബ്രഹാം ( വൈസ് പ്രസിഡന്റ് ), അജു സൈമൺ ( സെക്രട്ടറി), മാമ്മൻ ഫിലിപ്പ് ( ജോയിന്റ് സെക്രട്ടറി ) , ആൻസി ജോസഫ് (വനിതാ സെക്രട്ടറി ) , വിൻസൻ ജോർജ് (ട്രഷറർ ) , സുമി രൂപേഷ് ( ആർട്ട്സ് ക്ലബ് സെക്രട്ടറി ) എന്നിവരാണ് പുതിയ ഭാരവാഹികൾ. അബുദാബി ചാപ്റ്ററിന്റെ 34 – മത് വാർഷികയോഗത്തിൽ പ്രസിഡന്റ് ജേക്കബ് ജോർജ് അധ്യക്ഷത വഹിച്ചു. റവ. ജിജോ സി ഡാനിയേൽ ഉത്‌ഘാടനം നിർവ്വഹിച്ചു. റവ.ബിജോ എബ്രഹാം , രക്ഷാധികാരി വി ജെ തോമസ് , സെക്രട്ടറി സുനിൽ തോമസ്, ട്രഷറർ രൂപേഷ് കുമാർ, ശ്യാം  വി  ശശി , സീന മാത്യു  എന്നിവർ സംസാരിച്ചു.  പൂർവ്വ വിദ്യാർത്ഥികൾ അവതരിപ്പിച്ച കലാപരിപാടികളും അരങ്ങേറി.