അബുദാബി : അബുദാബി കേരള സോഷ്യൽ സെന്റർ  ബാലവേദിയുടെ ആഭിമുഖ്യത്തിൽ കാവ്യോത്സവം സംഘടിപ്പിച്ചു. ബാലവേദി പ്രസിഡന്റ് മനസ്വിനി  വിനോദ്കുമാർ അദ്ധ്യക്ഷത വഹിച്ച യോഗം കേരള സോഷ്യൽ സെൻ്റർ പ്രസിഡൻ്റ്   എ കെ  ബീരാൻകുട്ടി ഉത്ഘാടനം ചെയ്തു. ബാലവേദി സെക്രട്ടറി നൗർബിസ് നൗഷാദ് സ്വാഗതം ആശംസിച്ചു. ബാലവേദി കൺവീനർ  ആർ. ശങ്കർ , കെ എസ്  സി  ജനറൽ സെക്രട്ടറി നൗഷാദ് യൂസഫ് , വനിതാ കൺവീനർ ഗീത ജയചന്ദ്രൻ , ഷെസ സുനീർ , നീരജ് വിനോദ് എന്നിവർ ആശംസകൾ അർപ്പിച്ചു. തുടർന്ന് ഇരുപത്തി അഞ്ച്  കുട്ടികൾ വിവിധ കവിതകൾ ആലപിച്ച് കാവ്യോത്സവം പരിപാടിയെ ഹൃദ്യമാക്കി.  വൈഭവി , രശ്മി വാസുദേവ് എന്നിവർ പരിപാടികൾക്ക് നേതൃത്വം നൽകി.  മുഹമ്മദ് അലി, നൗഷാദ് ചാവക്കാട് , മഹേഷ് , വിജേഷ് എന്നിവർ സംഗീതം നൽകി.