അൽ ബൈക്കിന്റെ രണ്ടാമത്തെ ഔട്ലറ്റ് അബൂദബി ഡെൽമ മാളിൽ പ്രവർത്തനം ആരംഭിച്ചു.

അബൂദബി : സൗദി അറേബ്യയിലെ പ്രശസ്തമായ ഫാസ്റ്റ് ഫുഡ് ശൃംഖലയായ അൽ ബൈക്കിന്റെ രണ്ടാമത്തെ ഔട്ലറ്റ് അബൂദബി ഡെൽമ മാളിൽ പ്രവർത്തനം ആരംഭിച്ചു. അബുദബിയുടെ ഹൃദയഭാഗത്ത് അൽ ബൈക് പാരമ്പര്യത്തിന്റെയും പുതുമയുടെയും ആഹ്ലാദകരമായ ഒരു മിശ്രിതം കൊണ്ടുവരുന്നതായി അധികൃതർ അറിയിച്ചു. ഞങ്ങളുടെ ഉപഭോക്താക്കൾക്ക് ഏറ്റവും മികച്ച ഷോപ്പിംഗ് അനുഭവം വാഗ്ദാനം ചെയ്യാൻ ഞങ്ങൾ എപ്പോഴും പരിശ്രമിക്കുകയും ഈ മേഖലയിലേക്ക് മികച്ച ബ്രാൻഡുകൾ കൊണ്ടുവരികയും ചെയ്യുന്നു, ഡൽമ മാൾ ജനറൽ മാനേജരും സിഎഫ്‌ഒയുമായ ഭൂപീന്ദർ സിംഗ് വ്യക്തമാക്കി.

പശ്ചിമേഷ്യയിലെ പ്രശസ്തമായ ഈ ബ്രാൻഡിനെ ഞങ്ങളുടെ മാളിലേക്ക് സ്വാഗതം ചെയ്യുന്നതിൽ ഞങ്ങൾ സന്തുഷ്ടരാണ് അദ്ദേഹം പറഞ്ഞു. അഭിനിവേശം, അർപ്പണബോധം, മികവിനോടുള്ള അചഞ്ചലമായ പ്രതിബദ്ധത എന്നിവയാണ്  അൽ ബൈക്കിന്റെ യാത്രയുടെ സവിശേഷത, അബൂദബി നഗരത്തിലെ രണ്ടാമത്തേതും യുഎഇയിലെ 12-ാമത് സ്റ്റോറുമാണിത്.  അൽ ബൈക് ഫുഡ് ക്വസ്റ്റ് ഓപ്പറേഷൻസ് ഡയറക്ടർ അലാ സയ്യിദ് അബ്ദുൽനബി അബ്ദുൽഗലിൽ പറഞ്ഞു.