യു.എ.ഇ. യിലെ വിവിധ പ്രവാസി സംഘടനകളിലെ വനിതാപ്രതിനിധികളും ഉത്സവത്തിന്റെ ഭാഗമായി. ആർട്ട് ഓഫ് ലിവിങ്, അമേ ഗുജറാത്തി, ദുബായിലെ ഇന്ത്യൻ വനിതകൾ, റൈസിങ് സ്റ്റാർസ് ഗ്രൂപ്പ്, മഹാരാഷ്ട്ര മണ്ഡൽ, സൗത്ത് ഇന്ത്യൻ കമ്യൂണിറ്റി, ഇന്ത്യൻ ലേഡീസ് അസോസിയേഷൻ എന്നിങ്ങനെ വിവിധ ഗ്രൂപ്പുകളായി തരംതിരിച്ചായിരുന്നു ആഘോഷം. ഇത്തരം കൂടിച്ചേരലുകൾ സമുദായങ്ങൾക്കിടയിൽ ഐക്യം വളർത്തുമെന്ന് സാധ്വി സരസ്വതി പറഞ്ഞു. ക്ഷേത്രം വ്യത്യസ്ത സംസ്കാരങ്ങളെയും മതങ്ങളെയും തമ്മിൽ ബന്ധിപ്പിച്ചിരിക്കുന്നു. സമൂഹത്തിൽ ഐക്യവും സ്‌നേഹവും വളർത്താൻ ഇതിനേക്കാൾ മികച്ചൊരു സ്ഥലമില്ലെന്നും അവർ വ്യക്തമാക്കി. മഹന്ത് സ്വാമി മഹാരാജിന്റെ റെക്കോഡ് ചെയ്ത വീഡിയോ സന്ദേശത്തോടെയാണ് ഉത്സവം സമാപിച്ചത്.