ഭാര്യയെയും മക്കളെയും കൊലപ്പെടുത്തിയ ശേഷം പ്രവാസി യുവാവ് കെട്ടിടത്തിൽ നിന്ന് ചാടി ആത്മഹത്യ ചെയ്തു
യു എ ഇ : യു എ ഇ യിൽ ഭാര്യയെയും മക്കളെയും കൊലപ്പെടുത്തിയ ശേഷം പ്രവാസി യുവാവ് കെട്ടിടത്തിൽ നിന്ന് ചാടി ആത്മഹത്യ ചെയ്തു. ഷാർജയിലെ ഒരു റെസിഡൻഷ്യൽ കെട്ടിടത്തിൽ നിന്ന് ചാടി 30 വയസ്സുള്ള ഒരു ഏഷ്യക്കാരൻ ആണ് മരിച്ചത്. ഇയാളുടെ പക്കൽ നിന്നും ആത്മഹത്യാ കുറിപ്പ് കണ്ടെടുത്തിരുന്നു. ഇതിൽ താൻ മരിക്കുന്നതിന് മുൻപ് ഭാര്യയെയും മക്കളെയും കൊന്നതായി പറയുന്നുണ്ടായിരുന്നു. ഉടൻ തന്നെ അന്വേഷണ ഉദ്യോഗസ്ഥർ ഇയാളുടെ വീട്ടിൽ എത്തി പരിശോധന നടത്തുകയും ഭാര്യയെയും രണ്ട് മക്കളെയും കൊല്ലപ്പെട്ട നിലയിൽ കണ്ടെത്തുകയും ചെയ്തു. സംഭവവുമായി ബന്ധപ്പെട്ട സാഹചര്യങ്ങൾ കണ്ടെത്താൻ അന്വേഷണം നടക്കുകയാണെന്ന് ഷാർജ പോലീസ് ജനറൽ കമാൻഡ് അറിയിച്ചു.