അബുദാബിയിൽ വാക്സിൻ എടുത്തവരുടെ ക്വാറന്റൈൻ നിബന്ധനയിൽ മാറ്റങ്ങൾ വരുത്തി.
അബുദാബി: അബുദാബിയിൽ വാക്സിൻ എടുത്തവർ കോവിഡ് പോസിറ്റീവ് ആളുകളുമായി സമ്പർക്കത്തിൽ ഏർപ്പെട്ടാൽ ഇനി മുതൽ 7 ദിവസം ക്വാറന്റൈനിൽ കഴിയണമെന്ന് അധികൃതർ വ്യക്തമാക്കി. മുൻപ് ഇത് 5 ദിവസ്സമായിരുന്നു. ഇത്തരത്തിൽ ഉള്ളവർ ആറാമത്തെ ദിവസം പി സി ആർ പരിശോധന നടത്തണമെന്നും നെഗറ്റീവ് ഫലം ലഭിച്ചാൽ ഏഴാമത്തെ ദിവസം നിരീക്ഷണ വാച്ച് അഴിച്ചു മാറ്റാമെന്നുമാണ് പുതിയ നിബന്ധന . വാക്സിൻ സ്വീകരിക്കാത്തവർ കോവിഡ് പോസിറ്റീവ് ആളുകളുമായി സമ്പർക്കത്തിൽ ഏർപ്പെട്ടാൽ 12 ദിവസമാണ് ക്വാറന്റൈനിൽ കഴിയേണ്ടത്. അവർക്ക് 11 ആം ദിവസം പി സി ആർ പരിശോധന നടത്തി ,ഫലം നെഗറ്റീവ് എങ്കിൽ 12 മതെ ദിവസം നിരീക്ഷണ വാച്ച് മാറ്റാവുന്നതാണ്.