ഒരു മില്യൺ ഡോളർ  സമ്മാനമായി നൽകുന്ന ഷെയ്ഖ് സായിദ് ഹ്യൂമൻ ഫ്രറ്റേർണിറ്റി അവാർഡിന് അപേക്ഷകൾ ക്ഷണിച്ചു.

ദുബായ്: ഒരു മില്യൺ ഡോളർ  സമ്മാനമായി നൽകുന്ന ഷെയ്ഖ് സായിദ് ഹ്യൂമൻ ഫ്രറ്റേർണിറ്റി അവാർഡിന് അപേക്ഷകൾ ക്ഷണിച്ചു. ഹ്യൂമൻ ഫ്രറ്റേർണിറ്റി ഹയർ കമ്മിറ്റിയാണ് അപേക്ഷകൾ ക്ഷണിച്ചിരിക്കുന്നത് . വിനയം , സഹവർത്തിത്വം , ബഹുമാനം എന്നിവക്ക് പേരുകേട്ട യു എ ഇ രാഷ്ട്രത്തലവൻ ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ സ്മരണാർത്ഥമാണ് അവാർഡ് നൽകുന്നത് . മനുഷ്യ ജീവിതത്തിന്റെ സമഗ്ര വികസനത്തിനും , സമാധാനപൂർണമായ സഹവർത്തിത്വത്തിനും സംഭാവന നൽകിയ വ്യക്തികളെയും , സ്ഥാപനങ്ങളെയുമാണ് അവാർഡിന് പരിഗണിക്കുന്നത്. 2019 മാർച്ചിൽ അബുദാബിയിൽ പോപ്പ് ഫ്രാൻസിസ് , അൽ അസർ ഗ്രാൻഡ് ഇമാം പ്രൊഫസർ അഹ്മദ് അൽ തയ്യബ് എന്നിവർ തമ്മിൽ നടത്തിയ ചരിത്രപ്രസിദ്ധമായ കൂടിക്കാഴ്ചയിലാണ് അവാർഡ് നൽകുന്നതിന് തുടക്കം കുറിച്ചത് .