മാറുന്ന ലോകക്രമത്തിനൊപ്പം കേരളത്തിലെ പുത്തൻ തലമുറയെ മൂല്യവത്താക്കാനുള്ള ദൗത്യം വേൾഡ് മലയാളി കൗൺസിൽ ഏറ്റെടുക്കണമെന്ന് പ്രശസ്ത ചലച്ചിത്രകാരൻ അടൂർ ഗോപാലകൃഷ്ണൻ
ലോകത്തിലെ വിവിധ രാജ്യങ്ങളിലെ അറുപത്തിയഞ്ച് പ്രൊവിൻസുകളിലെ അയ്യായിരത്തോളം കുടുംബങ്ങൾ വെർച്ച്വൽ പ്ലാറ്റ് ഫോമിലൂടെ പങ്കെടുത്ത ഉദ്ഘാടന യോഗത്തിൽ, വിവിധ രാജ്യങ്ങളിൽ നിന്നുള്ള കുടുംബാംഗങ്ങളുടെ കലാ പരിപാടികളും അരങ്ങേറി. ഗ്ലോബൽ ചെയർമാൻ ശ്രീ.ജോണികുരുവിള അദ്ധ്യക്ഷ വഹിച്ച യോഗത്തിൽ ഗ്ലോബൽ പ്രസിഡന്റ് ടി.പി.വിജയൻ തൻറെ ആമുഖ പ്രസംഗത്തിൽ അടുത്ത രണ്ടു വർഷത്തെ പ്രധാന പദ്ധതികളുടെ രൂപരേഖ അവതരിപ്പിച്ചു.
ജനറൽ സെക്രട്ടറി പോൾ പാറപ്പള്ളി സ്വാഗതവും ട്രഷറർ ജെയിംസ് കൂടൽ നന്ദിയും പറഞ്ഞു. ഗ്ലോബൽ വൈസ് പ്രസിഡന്റ് മാരായ ബേബി മാത്യു സോമതീരം, സി.യു . മത്തായി, ജോർജ് കുളങ്ങര, എസ്.കെ.ചെറിയാൻ, സ്ഥാപക നേതാവായ ആൻഡ്രൂ പാപ്പച്ചൻ, ഐസക് ജോൺ പട്ടാണിപറമ്പിൽ, തങ്കമണി ദിവാകരൻ,ഡോ.എ.വി.അനൂപ്, മൂൻ ചെയർമാൻ സോമൻ ബേബി, അഡ്വ.ശിവൻ മഠത്തിൽ, ഡൊ.പ്രതാപചന്ദ്രൻ, പി.എൻ.രവി, തങ്കം അരവിന്ദ്, ചാൾസ് പോൽ, ഇർഫാൻ മാലിക്, ജാനറ്റ് വർഗീസ്,സിസിലി ജേക്കബ്, യൂത്ത് ഫോറം പ്രസിഡന്റ് ഷിബു ഷാജഹാൻ തുടങ്ങി നിരവധി നേതാക്കൾ ആശംസകൾ നേർന്നു.