അബുദാബിയിൽ 12 ദിവസം ക്വാറന്റൈൻ.

അബുദാബി: അബുദാബിയിൽ എത്തുന്ന വിമാന യാത്രക്കാർ 12 ദിവസത്തേക്ക്  ക്വാറന്റൈനിൽ കഴിയണമെന്ന് ഇത്തിഹാദ് എയർവെയ്‌സ് പുറപ്പെടുവിച്ച നിബന്ധനകളിൽ പറയുന്നു. ഗ്രീൻ ലിസ്റ്റിൽ ഉൾപ്പെടാത്ത രാജ്യങ്ങളിൽ നിന്നുള്ള യാത്രക്കാർക്കാണ് ക്വാറന്റൈൻ നിബന്ധന ബാധകമാകുന്നത്. സ്വന്തം വീടുകളിലോ സർക്കാർ നിയന്ത്രിത ക്വാറന്റൈൻ കേന്ദ്രങ്ങളിലോ യാത്രക്കാർ ക്വാറന്റൈനിൽ കഴിയേണ്ടി വരും. വീടുകളിലേക്ക് പോകാൻ അനുമതി ലഭിക്കുന്നവർക്ക് നിരീക്ഷണ വാച്ച് നൽകിയാകും വിടുന്നത്. വിമാനത്താവളത്തിലെ പി സി ആർ കൂടാതെ ആറാമത്തെ ദിവസവും പതിനൊന്നാമത്തെ ദിവസവും വീണ്ടും പി സി ആർ പരിശോധനകൾ നടത്തണം.