സർക്കാർ ലോഗോകൾ പതിച്ച സംശയാസ്പദമായ സന്ദേശം: മുന്നറിയിപ്പുമായി അധികൃതർ

യുഎഇ: യുഎഇയിൽ സർക്കാർ ലോഗോകൾ പതിച്ച സംശയാസ്പദമായ സന്ദേശങ്ങളെക്കുറിച്ച് അധികൃതർ താമസക്കാർക്ക് മുന്നറിയിപ്പ് നൽകി.സന്ദേശം സർക്കാർ സ്ഥാപനത്തിൽ നിന്നുള്ളതാണെന്ന് സ്വീകർത്താവിനെ വിശ്വസിപ്പിച്ച് ഇരകളെ കബളിപ്പിക്കാനാണ് ഡിജിറ്റൽ തട്ടിപ്പുകാർ ശ്രമിക്കുന്നതെന്ന് ആഭ്യന്തര മന്ത്രാലയം ട്വീറ്റ് ചെയ്തു. ഇത്തരം സന്ദേശങ്ങളിൽ ഒരു ലിങ്കോ ഒറ്റത്തവണ പാസ്‌വേഡോ അടങ്ങിയിരിക്കുന്നുവെന്നും ഇത്തരം തട്ടിപ്പുകൾക്കെതിരെ ജാഗ്രത പാലിക്കണമെന്നും മുന്നറിയിപ്പ് നൽകി. സർക്കാർ സ്ഥാപനങ്ങളിൽ നിന്നുള്ള സന്ദേശങ്ങൾ ഔദ്യോഗിക നമ്പറുകളിൽ നിന്ന് മാത്രം അയയ്ക്കുമെന്ന് അധികൃതർ അറിയിച്ചു. ഇത്തരം സന്ദേശങ്ങൾ ശ്രദ്ധയിൽപ്പെട്ടാൽ റിപ്പോർട്ട് ചെയ്യാനും മന്ത്രാലയം അറിയിപ്പ് നൽകി.