സംവിധായകനും തിരക്കഥാകൃത്തുമായ രഞ്ജി പണിക്കർക്ക് യു.എ.ഇ ഗോൾഡൻ വിസ
ദുബായ്; സംവിധായകനും തിരക്കഥാകൃത്തും നിർമാതാവും , നടനുമായ രഞ്ജി പണിക്കർക്ക് യു.എ.ഇ ഗോൾഡൻ വിസ ലഭിച്ചു. ദുബായിലെ മുൻനിര സർക്കാർ സേവന ദാതാക്കളായ ഇ.സി.എച്ഛ് ആസ്ഥാനത്ത് എത്തി സി.ഇ.ഒ ഇഖ്ബാൽ മാർക്കോണിയിൽ നിന്ന് യു.എ.ഇ ഗോൾഡൻ വിസ സ്വീകരിച്ചു . നേരത്തെ മലയാളത്തിലുൾപ്പെടെ നിരവധി ചലച്ചിത്ര താരങ്ങൾക്ക് ഇ.സിഎച്ഛ് മുഖേനെയായിരുന്നു ഗോൾഡൻ വിസ നേടിക്കൊടുത്തത് . ചടങ്ങിൽ ലോക കേരള സഭ അംഗങ്ങളായ വി.ടി സലിം, അനുര മത്തായി എന്നിവർ സംബന്ധിച്ചു. ഫെഫ്ക ഡയറക്ടർസ് യൂണിയൻ പ്രസിഡന്റ് കൂടിയാണ് രഞ്ജി പണിക്കർ .
വിവിധ രംഗങ്ങളില് മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കുമൊക്കെ യുഎഇ ഭരണകൂടം അനുവദിക്കുന്നതാണ് ഗോള്ഡന് വിസകള്. പത്ത് വര്ഷത്തെ കാലാവധിയുള്ള ഈ വിസകള്, കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യും. പ്രമുഖ നടന്മാരടക്കം നിരവധി മലയാളികള്ക്ക് ഇതിനോടകം തന്നെ ഗോള്ഡന് വിസ ലഭ്യമായിട്ടുണ്ട്. ഗോള്ഡന് വിസ അനുവദിക്കുന്നതിനുള്ള മാനദണ്ഡങ്ങളില് അടുത്തിടെ യുഎഇ ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേക്ക് ഗോള്ഡന് വിസയുടെ പ്രയോജനം എത്തിക്കാനാണ് യുഎഇ ലക്ഷ്യമിടുന്നത്.