ഷാർജ:  കലാ സാസ്കാരിക സൗഹൃദ കൂട്ടായ്മയായ ഡി കമ്പനി ഷാർജയിൽ ആഘോഷ രാവ് 2022 എന്ന പേരിൽ   ഓണാഘോഷ പരിപാടികൾ സംഘടിപ്പിച്ചു. രക്ഷാധികാരി ആദർശ് മുതുവിള അധ്യക്ഷത വഹിച്ചു. യു എ ഇ യിലെ മാധ്യമ പ്രവർത്തകൻ സമീർ കല്ലറ മുഖ്യ അതിഥിയായിരുന്നു. മഴവിൽ  മനോരമയിലെ ഇന്ത്യൻ വോയിസ് റിയാലിറ്റി  ഷോയിലൂടെ സുപരിചിതനായ വിഷ്ണുരാജ്, കൈരളി പട്ടുറുമാൽ ഫെയിം ഗായകൻ മുബീർ ഖാൻ , അബി യഹിയ,ബിനീഷ് തുടങ്ങിയവർ ഗാനവിരുന്ന്  ഒരുക്കി. ഗിരി, ഷൈജു  തുടങ്ങിയവർ കലാ പരിപാടികൾക്ക് നേതൃത്വം നൽകി. യുഎഇയിലും, കേരളത്തിലുമായി നിരവധി ജീവകാരുണ്യ പ്രവർത്തനങ്ങൾക്ക്  ചുക്കാൻ പിടിക്കുന്നുണ്ട് ഡി കമ്പനി സൗഹൃദ കൂട്ടായ്മ.