ഷാർജ എക്സ്പോ സെന്ററിൽ മെഗാ ഈദ് സെയിൽ
ഷാർജ: ഷാർജ എക്സ്പോ സെന്ററിൽ മെഗാ ഈദ് സെയിൽ. ഈദുൽ അദ്ഹ എക്സിബിഷന്റെ രണ്ടാം സീസൺ ഷാർജ എക്സ്പോ സെന്ററിൽ ആരംഭിച്ചു. ജൂലൈ 13 വരെയാണ് മേള . കഴിഞ്ഞ വർഷം 10 ദിവസമായിരുന്ന മേള ഇക്കുറി 13 ദിവസമാണ്. ലിസ് എക്സിബിഷൻ സംഘടിപ്പിക്കുന്ന മേളയിൽ വസ്ത്രങ്ങൾ, പെർഫ്യൂം, അബായ, ഫാഷൻ ആക്സസറീസ്, കോസ്മെറ്റിക്സ്, സമ്മാനങ്ങൾ, ഇലക്ട്രോണിക്സ്, ഭക്ഷ്യമേള തുടങ്ങിയവയുണ്ടാകും. മുൻനിര ബ്രാൻഡുകളുടെ ഐ.ടി ഉൽപന്നങ്ങൾ ഏറ്റവും മിതമായ നിരക്കിൽ ഉപഭോക്താക്കൾക്ക് ഇവിടെ ലഭിക്കുമെന്ന് അധികൃതർ പറഞ്ഞു. കഴിഞ്ഞ വർഷത്തെ എക്സിബിഷനിൽ 76,000 സന്ദർശകർ എത്തിയതായി സംഘാടകർ അറയിച്ചു. ഈദ് ആഘോഷിക്കുന്നവർക്ക് മിതമായ നിരക്കിൽ ഷോപ്പിങ്ങിന് അവസരമൊരുക്കുകയാണ് ല്ക്ഷ്യമെന്ന് അധികൃതർ അറിയിച്ചു.