വേൾഡ് ഓഫ് ഹാപ്പിനെസ്സ് ‘ഓണം പൊന്നോണം 2022’ബ്രൗഷർ പ്രകാശനം ചെയ്തു.
അബുദാബി : ഓണാഘോഷ ഭാഗമായി അബുദാബിയിലെ സാമൂഹിക സാംസ്കാരിക ജീവകാരുണ്യ കൂട്ടായ്മയായ വേൾഡ് ഓഫ് ഹാപ്പിനെസ്സ് സംഘടിപ്പിക്കുന്ന ‘ഓണം പൊന്നോണം 2022’ പരിപാടിയുടെ ബ്രൗഷർ പ്രകാശനം ചെയ്തു. ലുലു പി ആർ ഓ അഷ്റഫ് പി എ യാണ് കർമ്മം നിർവഹിച്ചത്. റെഡ് എക്സ് മീഡിയ മാനേജിങ് ഡയറക്ടർ ഹനീഫ് കുമരനെല്ലൂർ, മാധ്യമ പ്രവർത്തകൻ സമീർ കല്ലറ എന്നിവർ സന്നിഹിതരായിരുന്നു.വേൾഡ് ഓഫ് ഹാപ്പിനെസ്സ് പ്രസിഡന്റ് നൈമ അഹമ്മദ്, ഭാരവാഹികളായ സബീന, മർഷി, നജ്മ, സുഫൈറ ,നജി, ഷാദ് ,ഷെബിൻ , നൗഷാദ്, ഗായകനായ സുഹൈൽ ഇസ്മായിൽ എന്നിവർ പ്രകാശന ചടങ്ങിൽ പങ്കെടുത്തു. സെപ്റ്റംബർ 17 ശനിയാഴ്ച അബുദാബി ഇന്ത്യൻ ഇസ്ലാമിക് സെന്ററിറിൽ രാത്രി 7 മണിക്കാണ് ‘ഓണം പൊന്നോണം 2022’ അരങ്ങേറുക. യുഎഇ യിലെ പ്രഗത്ഭരായ കലാകാരന്മാരെ അണിനിരത്തി ഒരുക്കുന്ന നൃത്ത സംഗീത വിരുന്നിലേക്കുള്ള പ്രവേശനം സൗജന്യമാണ്. നാട്ടിലും വിദേശത്തുമായി വിവിധ ജീവകാരുണ്യ, വിദ്യാഭ്യാസ, ക്ഷേമ പ്രവർത്തനങ്ങൾക്കാണ് വേൾഡ് ഓഫ് ഹാപ്പിനെസ്സ് കൂട്ടായ്മ ചുക്കാൻ പിടിക്കുന്നത്.