യുഎഇ യിലേക്ക് ഉസ്ബെക്കിസ്ഥാൻ വഴി വരുന്നതിനു പാക്കേജുകൾ പ്രഖ്യാപിച്ച് ട്രാവൽ ഏജൻസികൾ
യുഎഇ: ഇന്ത്യയിൽ നിന്നും നേരിട്ടുള്ള യാത്രക്കു നിരോധനം നിലനിൽക്കുന്ന യുഎഇ യിലേക്ക് ഉസ്ബെക്കിസ്ഥാൻ വഴി വരുന്നതിനു പാക്കേജുകൾ പ്രഖ്യാപിച്ച് ട്രാവൽ ഏജൻസികൾ , ഉസ്ബകിസ്താനിലെ 15 ദിവസത്തെ താമസം അടക്കം 6200 ദിർഹമാണ് നിരക്കായി പ്രഖ്യാപിച്ചിരിക്കുന്നത് . ഇന്ത്യയിൽ നിന്നും നേരിട്ട് യു എ ഇ യിലേക്ക് വരുന്നതിനുള്ള നിരോധനം മറികടക്കുന്നതിന് ഉസ്ബക്കിസ്ഥാനിൽ 15 ദിവസം താമസിച്ച ശേഷം യുഎഇ യിലേക്ക് വരുന്നതിനാണ് ട്രാവൽ പാക്കേജ് തയ്യാറായിരിക്കുന്നതെന്നു ട്രാവൽ ഏജൻസികളുടെ അറിയിപ്പിൽ പറയുന്നു. ത്രീ സ്റ്റാർ ഹോട്ടലിലെ താമസം , ദുബായ് വരെയുള്ള ടിക്കെറ്റ് , ഭക്ഷണം , ഉസ്ബെക്കിസ്താനിൽ ഒരു ആർ ടി പി സി ആർ പരിശോധന എന്നിവയാണ് പാക്കേജിൽ ഉൾപ്പെടുത്തിയിരിക്കുന്നത്. എന്നാൽ യു എ ഇ യിലേക്ക് വരുന്നതിനു ഐ സി എ അല്ലെങ്കിൽ ജി ഡി ആർ എഫ് എ അനുമതി വേണമെന്നതു നിര്ബന്ധമാണ് . അനുമതി ലഭിക്കാത്തവർ ഉസ്ബക്കിസ്ഥാനിൽ നിന്നും നാട്ടിലേക്കു തന്നെ മടങ്ങേണ്ടി വരുമെന്നതാണ് യാത്രയിലെ അനിശ്ചിതാവസ്ഥ നിറഞ്ഞ കാര്യമെന്നും ഏജൻസികൾ പറയുന്നു.