ദുബായിൽ ഗർഭിണികൾക്ക് കോവിഡ്-19 പ്രതിരോധ കുത്തിവയ്പ്പ് ആരംഭിച്ചു.

ദുബായ്: ദുബായിൽ ഗർഭിണികൾക്ക് കോവിഡ്-19 പ്രതിരോധ കുത്തിവയ്പ്പ് ആരംഭിച്ചതായി ദുബായ് ഹെൽത്ത് അതോറിറ്റി അറിയിച്ചു. ദുബായിലുടനീളമുള്ള എല്ലാ ഡിഎച്ച്എ വാക്സിനേഷൻ കേന്ദ്രങ്ങളിൽ നിന്നും ഗർഭിണികൾക്ക് വാക്സിൻ ലഭിക്കുമെന്നാണ് അറിയിച്ചിരിക്കുന്നത്. വാക്സിനേഷൻ സ്വീകരിക്കുന്നതിന് ഡിഎച്ച്എയുടെ സ്മാർട്ട് ആപ്ലിക്കേഷൻ അല്ലെങ്കിൽ 800342 ൽ ഡിഎച്ച്എ വാട്ട്‌സ്ആപ്പ് വഴി അപ്പോയിന്റ്മെന്റ് മുൻകൂട്ടി രജിസ്റ്റർ ചെയ്യുകയും ബുക്ക് ചെയ്യുകയും വേണം.  കുത്തിവയ്പ്പ്പിൽ   ഗർഭിണികളെ ഉൾപ്പെടുത്തുന്നത് അണുബാധയുടെ അപകടസാധ്യതകളിൽ നിന്ന് അവരെ രക്ഷിക്കുകയും സമൂഹത്തിലെ മൊത്തത്തിലുള്ള പരിരക്ഷ വർദ്ധിപ്പിക്കുകയും ചെയ്യും.
എമിറേറ്റിൽ‌ താമസിക്കുന്ന ഗർഭിണികൾ‌ക്ക് പ്രതിരോധ കുത്തിവയ്പ്പ് നടത്തുന്നതിന് ആവശ്യമായ ഫൈസർ-ബയോ‌ടെക് വാക്സിൻ ശേഖരിച്ചു വച്ചിട്ടുണ്ട്.  വാക്സിൻ എടുക്കുന്നതിനുമുമ്പ്, ഗർഭിണികൾ, പ്രത്യേകിച്ച് ആരോഗ്യസ്ഥിതിയിലുള്ളവർ, അവരുടെ ഗർഭകാല ചികിത്സ നടത്തുന്ന  സ്പെഷ്യലിസ്റ്റ് ഡോക്ടറുമായി കൂടിയാലോചിക്കണം.  വാക്സിനേഷൻ രണ്ട് ഡോസുകളായി നൽകും . ഗർഭത്തിൻറെ ആദ്യ 13 ആഴ്ചകൾക്ക് ശേഷം വാക്സിൻ എടുക്കാനാണു ആരോഗ്യ വിദഗ്ധർ  ശുപാർശ ചെയ്യുന്നത്.