ലുലുവിന്റെ പുതിയ ഹൈപ്പർമാർക്കറ്റ് എം എ യൂസഫലിയുടെ സാന്നിദ്ധ്യത്തിൽ അജ്മാനിൽ തുറന്നു.
അജ്മാൻ: ലുലു ഗ്രൂപ്പിന്റെ 212 ആമത് ഔട്ലെറ്റ് അജ്മാനിൽ ചെയർമാൻ എം എ യൂസഫലിയുടെ സാന്നിദ്ധ്യത്തിൽ അജ്മാൻ ഭരണാധികാരിയുടെ പ്രതിനിധി ഹിസ് ഹൈനെസ്സ് ഷെയ്ഖ് അഹമ്മദ് ബിൻ ഹുമൈദ് അൽ നുഐമി ഉൽഘാടനം ചെയ്തു . രണ്ട് നിലകളിലായി 70000 സ്ക്വയർ ഫീറ്റിൽ വ്യാപിച്ചുകിടക്കുന്ന ഈ പുതിയ ഹൈപ്പർമാർക്കറ്റ് തിരക്കേറിയ നുഐമിയ ഭാഗത്താണ് സ്ഥിതി ചെയ്യുന്നത് .അജ്മാനിലെ മൂന്നാമത്തെ ലുലു ഹൈപ്പർ മാർക്കറ്റാണിത് .ഗ്രോസറി , ഫ്രഷ് ഐറ്റംസ് , ഹോട്ട് ഫുഡ് ,ഫാഷൻ , ലൈഫ് സ്റ്റൈൽ പ്രോഡക്ട്സ് തുടങ്ങി വിപുലമായ ഉത്പന്ന നിര ഇവിടെയും ഒരുക്കിയിട്ടുണ്ട്.
50 വർഷത്തെ പുരോഗതിയുമായി മുന്നോട്ടു കുതിക്കുന്ന യുഎ ഇ യിലെ ജനതയ്ക്ക് ലുലു ഗ്രൂപ്പ് നൽകുന്ന പ്രതിജ്ഞാബദ്ധതയുള്ള അവസരമാണ് ഈ ഹൈപ്പർ മാർക്കറ്റ് എന്ന് എം എ യൂസഫലി സൂചിപ്പിച്ചു.മഹാമാരിയുടെ ഘട്ടത്തിലും ജനങ്ങളുടെ ആവശ്യം അറിഞ്ഞുകൊണ്ട് തദ്ദേശവാസികൾക്ക് ഷോപ്പിങ്ങിന്റെ പുതിയ മികച്ച സൗകര്യം ഒരുക്കുകയാണ് ഈ നിക്ഷേപത്തിലൂടെ ലുലു ഗ്രൂപ്പ് ചെയ്യുന്നതെന്ന് എം എ യൂസഫലി പറഞ്ഞു .കൂടുതൽ ഔട്ലെറ്റുകളുമായി ലുലു ഗ്രൂപ്പ് മുന്നോട്ടു പോകുമെന്നും വിവിധ സ്ഥലങ്ങളിൽ വൈവിധ്യ നിക്ഷേപങ്ങൾ തുടരുമെന്നും യൂസഫലി അറിയിച്ചു.