ഹയ്യ കാര്ഡ് ഉടമകള്ക്ക് നാളെ മുതല് കുറച്ച് കാലത്തേക്ക് സൗജന്യ യാത്ര
ദോഹ: ഖത്തറില് ഹയ്യ കാര്ഡ് ഉടമകള്ക്ക് ദോഹ മെട്രോ, ലുസെയ്ല് ട്രാമുകളില് നാളെ മുതല് സൗജന്യ യാത്ര. ഒമ്പത് ദോഹ മെട്രോ സ്റ്റേഷനുകളിലായി 35 എന്ട്രി, എക്സിറ്റ് ഗേറ്റുകള് കൂടി സ്ഥാപിച്ചിട്ടുണ്ട്.
നവംബര് 10 മുതല് ഡിസംബര് 23 വരെയാണ് സൗജന്യ യാത്ര അനുവദിച്ചിരിക്കുന്നത്. ലോകകപ്പ് സ്റ്റേഡിയങ്ങള്, ആരാധകര്ക്കായുള്ള വിനോദ കേന്ദ്രങ്ങള് എന്നിവിടങ്ങളുമായി ബന്ധിപ്പിക്കുന്നതാണ് ഈ ഒമ്പത് മെട്രോ സ്റ്റേഷനുകള്. സ്റ്റേഷനുകളിലെ തിരക്ക് നിയന്ത്രിക്കാനാണ് ഗേറ്റുകള് സ്ഥാപിച്ചിരിക്കുന്നത്. ലോകകപ്പിനിടെ 110 ട്രെയിനുകള് സര്വീസ് നടത്തും. 21 മണിക്കൂര് ദോഹ മെട്രോ സര്വീസ് നടത്തുമെന്ന് ഖത്തര് റെയില് അറിയിച്ചിരുന്നു.